06
May
2019
9 мамыр - Ұлы Жеңіс күні
Көктөбе бастауыш мектебінде 6 мамыр күні Ұлы жеңістің 74 жылдығына орай дене шынықтыру пәні мұғалімі Б. Есеналиевтің ұйымдастыруымен "Патриоттық әндер" саптық байқауы өтті. Саптық байқауды мектеп меңгерушісі М.Н. Джадраева құттықтау сөзімен ашып, тәлімгер А. Абитаева қысқаша баяндамасымен жалғастырды.
Бүгінгі мерекелік шара Ұлы Отан соғысында құрбан болған аталарымыз бен әкелеріміздің, мәңгі жас болып, жадымызда сақталған жауынгерлер мен офицерлер рухына, бейбіт кезеңде дүниеден өткен ардагерлерге, бүгінде ортамызда жүрген Ұлы Отан соғысы ардагерлерінің құрметіне арналды. Ұлы Отан соғысына қатысқан: Бауыржан Момышұлы, Мәншүк Мәметова, Әлия Молдағұлова, Мәлік Ғабдуллин, Талғат Бигелдинов т.б.және де өз жерлестеріміз Толғанбаев Н, Сулейменов Р,Сарсембиев О, Алгожаев Т, Абдуалиев С, Бекботаев Б, Халыков Т, Керімкулов Р, Бекбосынов А, Жаманкулов Ж, Азаматов А, Сейтов А, Картайганов Т, Байбатшаев Р, Копбаев Н, К Айдаров та бар.
Осы бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, жеңіс туын желбіретуде қан кешіп, кеудесін оққа тосқан боздақтарымызды бір сәт үнсіздікпен еске алдық. Саптық байқауға 2-4 сынып оқушылары қатысты. Әділ қазылар әділ бағасын беріп, "Бас жүлдені" 4 "ә" сынып оқушылары алса, "Best ән" номинациясын 2 "а" сынып оқушылары, "Best топ басшысы" номинациясын 2 "ә" сынып оқушылары алып, марапатталды.